"Chau Heung Angers Tong Bak Fu" - Wong Cho Lam & Jin Au Yeung
秋香怒點唐伯虎 《秋香怒點唐伯虎》 主題曲 - 王祖藍/歐陽靖
作曲: 鄧智偉/莊冬昕
填詞: 王祖藍/歐陽靖
MC Jin: 請大家而家聽清楚 呢個古仔或者已經聽過
但係我就會用rap介紹 一位高人嚟自明朝
因寅月寅日寅時出世 故名唐寅點嗌都冇所謂
點解 因為佢屬虎 所以嗌唐伯虎 唔係斷估
江南四大才子之首 佢去到邊fans跟佢走
男女都咁受歡迎 有人就話佢好多情
考狀元雖然冇出貓 但係考考嚇都訓著覺
你或者覺得佢傻傻地 但係你根本唔明佢心理
王祖藍: 情人談情話 過節要送花 古今都喜愛吧
緣來緣留下 世世你我她 就像兩生花
情人如仇敵 愛上你太激 芳心必需要覓
情場從無敵 卻要轉角色 力敵美艷女色
MC Jin: 講識女仔伯虎係無數 去到邊都左擁右抱
但係咁多對象冇一個了解佢 所以佢仍然覺得咁空虛
直至到佢認識秋香 但係秋香又覺得佢好"娘"
為咗秋香佢乜都制 混入華府做咗人哋奴隸
唉 咁就中咗美人計 但係佢最想做人世
呢個美人真係冇心肝 不停喺度咁玩華安
一浪就接一浪 結果會點唔洗我講
我rap到呢度係時候閃 夠鐘睇秋香怒點
王祖藍: 情人談情話 過節要送花 古今都喜愛吧
緣來緣留下 世世你我她 就像兩生花
情人如仇敵 愛上你太激 芳心必需要覓
情場從無敵 卻要轉角色 力敵美艷女色
王祖藍: 龍鳳鬥花槍背後 情共愛藏在眼眸
龍鳳鬥招式太舊 男或女仍願接收
No comments:
Post a Comment